जुम्लाका युवा समाजसेवी गौरव शाही ठकुरीले विद्यालयका बालबालिकाहरूलाई शैक्षिक सामग्री सहयोग गरेका छन। गुठिचौर गाउँपालिका वडा नं. २ मा रहेको श्री खड्कादेवी आधारभूत विद्यालयका विद्यार्थीहरूलाई उहाँले कापी, कलम तथा शैक्षिक झोला (स्कुल ब्याग) वितरण गरेेका हुन्।
ग्रामीण तथा विकट क्षेत्रका बालबालिकाहरूलाई पठनपाठनमा सहज होस् र उनीहरूको उज्ज्वल भविष्य निर्माणमा थोरै भए पनि टेवा पुगोस् भन्ने उद्देश्यले शैक्षिक सामग्री सहयोग गरिएको समाजसेवी ठकुरीले बताएका छन्। कार्यक्रममा उपस्थित स्थानीय अभिभावक, शिक्षक तथा विद्यार्थीहरूले यस प्रकारको सहयोगप्रति खुसी व्यक्त गर्दै समाजसेवी गौरव शाही ठकुरीलाई धन्यवाद ज्ञापन गरेका थिए।
अभिभावकहरूका अनुसार, यस किसिमको सहयोगले न्यून आर्थिक अवस्था भएका परिवारका बालबालिकालाई विद्यालय आउन र नियमित अध्ययन गर्न ठूलो हौसला मिलेको छ। आगामी दिनहरूमा पनि समाजसेवाका यस्ता रचनात्मक तथा सहयोगमूलक कार्यलाई निरन्तरता दिने प्रतिबद्धता ठकुरीले व्यक्त गर्नुभएको छ।
